રણવીર સિંહ ડીપફેક વીડિયો: બોલિવૂડના ઘણા સેલેબ્સ ડીપફેકનો શિકાર બન્યા છે. તાજેતરમાં, દેશમાં ચાલી રહેલી લોકસભાની ચૂંટણીઓ વચ્ચે, આમિર ખાનનો એક ડીપ ફેક વીડિયો વાયરલ થયો હતો, જેમાં તે એક રાજકીય પક્ષ માટે પ્રચાર કરતો જોવા મળ્યો હતો. આ પછી રણવીર સિંહનો એક ડીપફેક વીડિયો પણ સામે આવ્યો છે.
આ ડીપફેક વિડિયોમાં રણવીર સિંહ પણ એક રાજકીય પક્ષનો પ્રચાર કરતો જોવા મળ્યો હતો. વાયરલ થયેલા આ વીડિયોમાં રણવીર સિંહ વડાપ્રધાન નરેન્દ્ર મોદીના નેતૃત્વવાળી સરકાર પર પ્રહાર કરતા જોવા મળી રહ્યા છે. આ વિડિયો સંપૂર્ણપણે ફેક હતો.
ઇન્સ્ટાગ્રામ પર આ પોસ્ટ જુઓ
રણવીર સિંહ (@ranveersingh) દ્વારા શેર કરાયેલ પોસ્ટ
હવે રણવીર સિંહે આ ડીપફેક વીડિયો સામે પોલીસ ફરિયાદ નોંધાવી છે. અભિનેતાના પ્રવક્તાએ ફરિયાદ દાખલ કર્યાની પુષ્ટિ કરી છે. પ્રવક્તાએ કહ્યું કે અભિનેતાએ આ ડીપફેક વીડિયો સામે સાયબર ક્રાઈમ સેલમાં ફરિયાદ નોંધાવી છે.
સત્તાવાર નિવેદન જારી કરીને પ્રવક્તાએ કહ્યું, હા, અમે પોલીસમાં ફરિયાદ નોંધાવી છે અને રણવીર સિંહના AI જનરેટેડ ડીપફેક વીડિયોને પ્રમોટ કરનારા હેન્ડલ વિરુદ્ધ FIR દાખલ કરવામાં આવી છે.
આ પહેલા જ્યારે આ ફેક વીડિયો વાયરલ થયો હતો ત્યારે રણવીર સિંહે સોશિયલ મીડિયા પર એક પોસ્ટ શેર કરીને તેના ફેન્સને સાવધાન કર્યા હતા. તેણે ઈન્સ્ટા સ્ટોરી પર લખ્યું, ‘મિત્રો, ડીપફેકથી બચો.’
