લોકસભા ચૂંટણી 2024: લોકસભા ચૂંટણી 2024ની તારીખો જાહેર કરવામાં આવી છે. આવી સ્થિતિમાં રાજકીય પક્ષોએ તેમના ઉમેદવારોની યાદી જાહેર કરવાનું શરૂ કરી દીધું છે. બોલિવૂડના ઘણા સેલેબ્સ પણ ચૂંટણી મેદાનમાં હાથ અજમાવવાના છે. જુઓ કયા સેલેબ્સ 2024ની લોકસભા ચૂંટણી લડવા જઈ રહ્યા છે…
હેમા માલિની
દિગ્ગજ અભિનેત્રી હેમા માલિનીએ ભાજપની ટિકિટ પર ત્રીજી વખત મથુરા લોકસભા બેઠક પરથી ચૂંટણી લડી છે.
કંગના રનૌત
બોલિવૂડની સ્પષ્ટવક્તા અભિનેત્રી કંગના રનૌત પણ આ વખતે રાજકારણમાં પોતાનું નસીબ અજમાવવા જઈ રહી છે. ભાજપે તેમને હિમાચલ પ્રદેશની મંડી સીટ પરથી પોતાના ઉમેદવાર બનાવ્યા છે.
અરુણ ગોવિલ
રામાનંદ સાગરની ‘રામાયણ’માં ભગવાન રામની ભૂમિકા ભજવીને પ્રખ્યાત થયેલા અરુર ગોવિલ પણ આ વખતે ચૂંટણી મેદાનમાં ઉતર્યા છે. ભાજપે ઉત્તર પ્રદેશની મેરઠ બેઠક પરથી અરુણને ઉમેદવાર બનાવ્યા છે.
શત્રુઘ્ન સિંહા
અભિનેતામાંથી રાજનેતા બનેલા શત્રુઘ્ન સિંહા એક વખત આસનસોલ લોકસભા સીટ પરથી ટીએમસીની ટિકિટ પર ચૂંટણી લડી ચૂક્યા છે.
રવિ કિશન
અભિનેતા રવિ કિશન ભાજપની ટિકિટ પર ગોરખપુરથી લોકસભાની ચૂંટણી લડવાના છે. તેઓ 2019માં આ બેઠક પરથી ચૂંટણી જીત્યા હતા.
પવન સિંહ
ભોજપુરી અભિનેતા અને ગાયક પવન સિંહને બંગાળીની આસનસોલ સીટ પરથી બીજેપીએ ઉમેદવાર બનાવ્યા છે. તેનો મુકાબલો શત્રુઘ્ન સિંહા સાથે થશે.
મનોજ તિવારી
સિંગર અને એક્ટર મનોજ તિવારી પણ ત્રીજી વખત લોકસભા ચૂંટણી લડવાના છે. તેઓ ભાજપની ટિકિટ પર ઉત્તર-પૂર્વ દિલ્હી બેઠક પરથી ચૂંટણી લડશે.
ગોવિંદા
બોલિવૂડ એક્ટર ગોવિંદાએ ફરી એકવાર રાજકારણમાં એન્ટ્રી કરી છે. આ વખતે તેમણે શિંદેની શિવસેના સાથે હાથ મિલાવ્યા છે. ગોવિંદા ઉત્તર-પશ્ચિમ મુંબઈ બેઠક પરથી લોકસભા ચૂંટણી લડી શકે છે. તેઓ 2004માં કોંગ્રેસની ટિકિટ પરથી જીતીને સાંસદ બન્યા હતા.
